Tuarascáil Bhliantúil 2008 - Téacs

Céard í Faisnéis faoin gComhshaol?

Is leathan agus is leitheadach an sainmhíniú a thugtar ar “fhaisnéis faoin gcomhshaol” sa Treoir agus sna Rialacháin. Clúdaíonn an sainmhíniú faisnéis i bhfoirm scríofa, feiceálach, cloiste, leictreonach nó foirm ábhartha ar bith eile “in written, visual, aural, electronic or any other material form”. Aithnítear ann sé chatagóir ar leith d’fhaisnéis a dhéileálann leo seo a leanas:

staid ghnéithe an chomhshaoil (mar shampla aer, uisce, ithir, talamh, tírdhreach, éagsúlacht bhitheolaíoch);
fachtóirí a dhéanann difear do, nó ar dóigh go ndéanfaidh siad difear do ghnéithe an chomhshaoil (mar shampla fuinneamh, torann, radaíocht, dramhaíl, nithe eile a scaoiltear amach sa chomhshaol);
bearta a cheaptar chun gnéithe an chomhshaoil a chosaint (mar shampla beartais, reachtaíocht, pleananna, cláir, comhshocruithe faoin gcomhshaol);
tuarascálacha faoi fhorfheidhmiú na reachtaíochta faoin gcomhshaol;
anailísí agus toimhdeana a ghlactar sa chreat beart a cheaptar chun an comhshaol a chosaint; agus
staid sláinte agus sábháilteacht daonna, staid a bhiashlabhra, na suímh chultúir agus na déanmhais thógtha a mhéid is go bhféadfadh gnéithe an chomhshaoil difear a dhéanamh dóibh.

Back to contents