Alt 16 - Treoirleabhar

8.0 Socruithe chun déileáil le hiarratais ar athbhreithniú

8.1 Is é cuspóir an Choimisinéara gur chóir breith a fháil ar iarratais ar athbhreithniú laistigh den scála treorach ama de cheithre mhí, an oiread agus is féidir, a bhfuil foráil déanta dó in alt 34(3)(b) den Acht um SF.

8.2 Leanfar ar aghaidh ag próiseáil cásanna atá idir lámha cheana féin chomh maith le cásanna reatha. Chun cinneadh a dhéanamh ar an ord ina ndéileálfar leis na cásanna níos sine, beidh feidhm ag na critéir seo a leanas:

8.3 Ar mhaithe le cothromaíocht na nósanna imeachta, tabharfar tús áite do chásanna ar bhonn aoise, .i. déileálfar de ghnáth leis na cásanna níos sine roimh na cásanna a rinneadh níos déanaí.

8.4 Ní ar bhonn aoise amháin a dhéileálfar le cásanna. I roinnt cúinsí, is féidir go ndéileálfar le cásanna a rinneadh níos déanaí ná seanchásanna. Tarlóidh sé sin:

nuair atá sé níos éifeachtaí déileáil le seanchás ar leith in éineacht le cás reatha (mar shampla, má bhíonn cás reatha an-chosúil le seanchás agus go dtagann na saincheisteanna céanna chun cinn sa dá cheann);
nuair atá sé níos éifeachtaí déileáil le grúpa áirithe cásanna le chéile mar go bhfuil saincheisteanna gaolmhara i gceist iontu;
nuair a thugtar cás nó catagóir ar leith do bhall foirne ar leith in Oifig an Choimisinéara Faisnéise, d’fhonn cuspóirí forbartha foirne;
nuair a chuardaíonn an t-iarratasóir tosaíocht do chúis phráinneach ar leith; ach de bharr go mbeidh formhór na n-iarratasóirí ar ndóigh ag iarraidh go bhfaigheadh a gcásanna tús áite ní bheidh feidhm ag an bhforas seo ach in imthosca eisceachtúla amháin;
nuair a thagann an Coimisinéir ar an tuairim gur cheart cás ar leith a luathú, mar shampla, d’fhonn treoir ghinearálta a thabhairt do chomhlachtaí poiblí maidir le hiarraidh ar leith nó catagóir iarrata a phróiseáil.

Back to contents