Alt 16 - Treoirleabhar

7.0 Críoch a chur le cásanna

7.1 Is féidir deireadh a chur le hathbhreithniú ar roinnt bealaí, .i. :

  • tarraingítear siar an t-iarratas ar athbhreithniú ar bhreith an chomhlachta phoiblí, 
  • déantar an t-athbhreithniú a scor, 
  • tagtar ar réiteach idir na páirtithe,
  • críochnaíonn an Coimisinéir a hathbhreithniú ar bhreith an chomhlachta phoiblí faoi alt 34(2) den Acht.

7.2 Ag deireadh athbhreithnithe is gá don Imscrúdaitheoir na nithe seo a leanas a dhéanamh : 

  • eagrú go dtabharfar fógra do gach páirtí faoi thoradh an athbhreithnithe i scríbhinn, 
  • bunchomhaid nó buntaifid ar bith a chuir an comhlacht poiblí ar fáil d’Oifig an Choimisinéara Faisnéise a thabhairt ar ais don chomhlacht sin. Ba chóir don chomhlacht lena mbaineann admháil a thabhairt ar chomhaid nó páipéir ar bith a thugtar ar ais dóibh agus ba chóir an admháil a chur i gcomhad an cháis.

7.3 I gcás athbhreithnithe a chríochnaíonn trí iarratas a tharraingt siar, ba chóir na treoracha seo a leanas a leanúint. Má léiríonn an t-iarratasóir ó bhéal gur féidir déileáil leis an iarratas mar iarratas atá tarraingthe siar, ba chóir dearbhú scríofa a lorg. Ba chóir cóip den fhógra scríofa maidir leis an tarraingt siar a chur chuig an gcomhlacht poiblí. Nuair nach bhfuil sé praiticiúil dearbhú scríofa a fháil ón iarratasóir nó nuair a léiríonn an t-iarratasóir a mhalairt, déanfaidh an oifig nóta de chomhaontú an iarratasóra agus eiseoidh an Oifig dearbhú scríofa chuig an gcomhlacht poiblí lena mbaineann

Back to contents