Alt 16 - Treoirleabhar

4.1 Admháil ar iarratais agus teagmháil le comhlachtaí poiblí

Ba chóir admháil a thabhairt ar an iarratas láithreach agus ba chóir an t-iarratasóir a chur ar an eolas go bhfaighidh sé/sí fógra maidir leis, a luaithe agus a chinneann an Coimisinéir glacadh leis an iarratas ar athbhreithniú nó gan glacadh leis. Ba chóir teagmháil a dhéanamh le hOifigeach Idirchaidrimh um SF an chomhlachta phoiblí ar an teileafón, ríomhphost nó facs. I gcás iarratas ar athbhreithniú, seachas cásanna a bhfuil feidhm ag alt 29 maidir leo, ba chóir a iarraidh ar an Oifigeach Idirchaidrimh cóipeanna de na nithe seo a leanas a chur ar aghaidh ar facs nó sa phost :

an bhuniarraidh um SF,
breith thosaigh an chomhlachta phoiblí,
an iarraidh ar athbhreithniú inmheánach, agus
breith an chomhlachta phoiblí ar athbhreithniú inmheánach.

4.2 Má léiríonn an tOifigeach Idirchaidrimh nár cuireadh an iarraidh trí phróiseas an athbhreithnithe inmheánaigh, ba chóir a iarraidh ansin ar an gcomhlacht poiblí é seo a dhearbhú i scríbhinn agus cóip den bhuniarraidh agus de bhreith thosaigh an chomhlachta phoiblí a chur ar aghaidh.

4.3 Más léir go bhfuil feidhm ag alt 29 (féach mír 4.9) maidir leis an iarraidh as a dtáinig an t-iarratas ar athbhreithniú, ba chóir teagmháil a dhéanamh leis an Oifigeach Idirchaidrimh agus cóipeanna de na nithe seo a leanas a iarraidh air/uirthi:

4.4 Má thagann an t-iarratas ar athbhreithniú ó dhuine a bhfuil feidhm ag alt 29(2) maidir leis/léi agus atá i gcoinne géilleadh molta ar rochtain ón gcomhlacht poiblí don iarrthóir, ba chóir aird an Oifigigh Idirchaidrimh um SF a dhíriú láithreach ar fhorálacha ailt 44 den Acht. Éilíonn sé seo nach dtabharfaidh an comhlacht poiblí éifeacht dá bhreith le taifid a chur ar fáil go dtí go gcinntear nó go dtarraingítear siar an t-iarratas ar athbhreithniú. Ba chóir dul i dteagmháil leis an Oifigeach Idirchaidrimh ar an teileafón agus ba chóir dearbhú a eisiúint ar facs nó ar ríomhphost. (Áit nach bhfaightear táille don iarratas faoi alt 29, ba chóir teagmháil a dhéanamh leis an Oifigeach Idirchaidrimh freisin).

4.5 Ba chóir comhad ar leith a oscailt do gach iarratas ar athbhreithniú.

Back to contents